| 
प्रहरीसँगको भिडन्तमा, बारामा गाँजा तस्करको मृत्यु
डेटूडे खबर डेस्क
१२ फाल्गुण २०७८
प्रहरीको गोली लागेर बारामा एक गाँजा तस्करको मृत्यु भएको छ ।
बुधबार राति सात,आठ जनाको समूहमा पाँच पाकेटमा ७५ किलो गाजा नेपालबाट भारततर्फ लगिरहेको सूचना पाएपछि प्रहरीको टोली त्यसतर्फ गस्तीमा जाँदै गर्दा सिम्रौनगढ नगरपालिका-२ महुयाहीमा तस्करले एक राउन्ड गोली चलाएपछि जवाफी कारबाही गरेको प्रहरीले जनाएको छ ।
आत्मरक्षाका लागि गोली चलाउँदा नाम नखुलेका एक जना भारतीय नागरिकको मृत्यु भएको प्रहरीले जनाएको छ । प्रहरीले हानेको गोली ती व्यक्तिको कम्मरमा लागेको थियो । उनलाई उपचारका लागि कलैया अस्पताल ल्याएकोमा राति १ बजेर ३० मिनेटमा मृत्यु भएको प्रहरी प्रवक्ता राजेश थापाले जानकारी दिए ।
प्रहरीको जवाफी फायरपछि तस्करले गाँजा छाडेर भाग्दै गर्दा एक जना भारतीयलाई प्रहरीको टोलीले पक्राउ समेत गरेको छ । पक्राउ पर्नेमा भारत विहार मोतिहारी जिल्ला ग्राम पञ्चायत पिप्रा निवासी ४० वर्षीय हृदेश गिरी रहेको थापाले जानकारी दए ।
यो खबर पढेर तपाईलाई कस्तो महसुस भयो ?
फेसबुकबाट तपाईको प्रतिक्रिया !
सम्बन्धित पोस्ट
