| 
महोत्तरीमा भेटिएको शंकास्पद वस्तु सेनाद्वारा डिस्पोज
डेटूडे खबर डेस्क
१४ फाल्गुण २०७८
महोत्तरी — महोत्तरीको मटिहानीमा भेटिएको शंकास्पद वस्तु नेपाली सेनाले डिस्पोज गरेको छ । प्रेसर कुकरभित्र बम जडान गरिएको हुनसक्ने आशंकामा स्थानीयले प्रहरीलाई खबर गरेका थिए ।
रणभीम गण जलेश्वरको डिस्पोज टोलीले उक्त शंकास्पद वस्तुलाई खाली ठाउँमा लगेर सुरक्षित तबरले डिस्पोज गरेको महोत्तरीका प्रहरी प्रमुख एसपी कृष्णप्रसाद पंगेनीले जानकारी दिए ।
कोही कसैलाई डर देखाउन वा तर्साउन उक्त वस्तु राखेको पाइएको महोत्तरी प्रहरीले जनाएको छ । कसले र किन राख्यो भन्ने विषय खोजबिनकै क्रममा रहेको एसपी पंगेनीले बताए ।शनिबार बिहान १० बजे मटिहानी नगरपालिका कार्यालय धिरापुरको अगाडि शंकास्पद वस्तु फेला परेको थियो । फेला परको ४ घण्टापछि सेनाले सो वस्तु डिस्पोज गरेको छ ।
नगरपालिकाकै अगाडि किन र कसले भन्ने विषयमा शंकास्पद वस्तु राख्यो भन्ने विषय खोजीको विषय भएको मेयर मण्डलले बताए ।
यो खबर पढेर तपाईलाई कस्तो महसुस भयो ?
फेसबुकबाट तपाईको प्रतिक्रिया !
सम्बन्धित पोस्ट
