| 
श्रीमतीको हत्या गरी फरार रहेको आरोपमा एकजना ६ वर्षपछि कतारमा पक्राउ
डेटूडे खबर समाचारदाता
२३ फाल्गुण २०७८
काठमाडौं । श्रीमतीको हत्या गरी फरार रहेको आरोपमा एकजनालाई ६ वर्षपछि कतारमा पक्राउ गरिएको प्रहरीले जनाएको छ ।
पक्राउ पर्नेमा बिसनपुर गाउँपालिका(५ सिरहाका विक्की मुस्कान भनिने भोगेन्द्र यादव छन् । उनीमाथि २०७२ सालमा श्रीमतीको हत्या गरेको आरोप छ ।
महानगरीय प्रहरी अपराध महाशाखाका प्रवक्ता तथा प्रहरी उपरीक्षक कृष्णप्रसाद कोइरालाका अनुसार उनलाई इन्टरपोलको समन्वय तथा कतार प्रहरीको सहयोगमा कतारबाट पक्राउ गरी आज नेपाल ल्याइएको छ ।
ललितपुरको लेले(९ फैडोलको पाइ पार्क जान बाटोमा श्रीमतीको हत्या गरेको उनीमाथि आरोप छ भने उक्त मुद्दा जिल्ला अदालत ललितपुरमा विचाराधिन छ ।
यस सम्बन्धमा थप अनुसन्धानका लागि उनलाई महानगरीय प्रहरी वृत्त चापागाउँमा पेश गरिएको महाशाखाका प्रवक्ता कोइरालाले जानकारी दिए ।
यो खबर पढेर तपाईलाई कस्तो महसुस भयो ?
फेसबुकबाट तपाईको प्रतिक्रिया !
सम्बन्धित पोस्ट
