डेटूडे खबर डेस्क
  ०४ माघ २०७८

                            
जनकपुरधाम । लामो समयको प्रयास पछि प्रदेश २ को राजधानी जनकपुरधाम र नामाकरण मधेश प्रदेश भएको अवसरमा शुभकामना आदान प्रदान गरिएको छ।
बुधवार क्लोथ बैंकले जनकपुरधामको समन्वय समितिको सभाहलमा एक कार्यक्रमको आयोजना गरी शुभकामना आदान प्रदान समेत गरेका हुन ।
क्लोथ बैंकका अध्यक्ष राजीव झाका अध्यक्षतामा आयोजित कार्यक्रममा संस्थाका पदाधिकारी, शुभचिन्तक र सहयोगी लगायत उपस्थित भई एक आपसमा शुभकामना आदान प्रदान गरी मिठाई बाडी खुसी व्यक्त गरेका छन् ।
क्लोथ बैंकलाई सहयोग गरेका प्रभू दयाल जलान, डा. रवि रंजन प्रद्यान, डा. अजय झा, युवा नेता मनोज चौधरी, दिपेन्द्र चौधरी लगायतलाई क्लोथ बैंङ्कका अध्यक्ष झाले विषेश धन्यवाद दिँदै राजू साहलाई लेटर समेत प्रदान गरिएको छ।
कार्यक्रममा सचिब मनिष श्रीओम,कोषाध्यक्ष रुबि झा, उद्योग वाणिज्य संघको अध्यक्ष जितेन्द्र महासेठ,मां जानकी यातायात प्रालीका अध्यक्ष मनोज चौधरी जिरोमाइल युवा कमिटीको अध्यक्ष शंकर मिश्रा,मधेस प्रदेश सभामुखको राजनीतिक सल्लाहकार अनिल महासेठ,संस्थाको कार्यक्रम संयोजक रंजीत झा, कृष्ण कुमार साह लगायतको उपस्थिति रहेको थियो।