डेटूडे खबर डेस्क
  ०२ कार्तिक २०७८

                            
जनकपुरधाम । आईसीसी टी–२० विश्वकप क्रिकेट गए राति भएको वार्म अप गेममा भारतले इङ्ल्याण्डलाई हराएको छ । भारतले टस जितेर ब्याटिङ्गको निमन्त्रणा इङ्ल्याण्डलाई ७ विकेटले हराउँदै विजयी सुरुआत गरेको हो ।
इङ्ल्याण्डले दिएको १८९ रनको लक्ष्य भारतले  १९ अभर खेल्दै ३ विकेट गुमाएर सहज जित निकाल्न सफल भयो । भारतका लागि सर्वाधिक रन जोडके युवा ब्याटसमेन इसान किसन ४६ बलमा ३ छक्का ७ चौका सहित ७० रन बनाए भने केएल राहुलले २४ बल खेल्दै ३ छ्क्का ६ चौका सहित ५१ रन जोडे, बिराट कोहली ११, सुर्यकुमार यादव ८ भने रिसब पंत २९ र हार्दिक पांड्या १२ रन जोडर टिमलाई जित दिलाई अविजित रहे । बलिङ्ग तर्फ मोहम्मद शमी ३, बुमराह र राहुल चहरले १-१ विकेट लिएका थिए । 
यसअघि पहिले ब्याटिङ गरेको इङ्ल्याण्डले २० ओभर खेल्दै ५ विकेटको क्षतिमा १८८ रन बनाएको थियो । इङ्ल्याण्डका जीनी बेस्ट्रोले ४९ रन, मोइन अलीले ४३, जेसन रोय १७, बटलर १८, मलन १८, लिभिङ्ग स्टोन ३० रन जोडेका थिए भने बलिङ्ग तर्फ इङ्ल्याण्डका मार्क वुड, लिभिङ्ग स्टीन र विलिले १-१ विकेट लिएका थिए ।