| 
आज विजया दशमी : बिहान १० बजेर दुई मिनेटमा टीकाको उत्तम साइत
डेटूडे खबर डेस्क
२९ असोज २०७८
जनकपुरधाम । आज विजया दशमी मान्यजनको हातबाट टीका, जमरा लगाएर र आर्शीवाद लिएर मनाइँदैछ । आज टीकाको उत्तम साइत १० बजेर दुई मिनेटमा रहेको छ । नेपाल पञ्चाङ्ग निर्णायक समितिले विजया दशमीमा साइत खोजेर टीका लगाउनेका लागि बिहान १० बजेर २ मिनेटको साइत शुभ रहेको जनाएको छ ।
यद्यपि आज दिनभर नै टीका ग्रहण गर्न मिल्ने समितिले जनाएको छ । टीका लगाउने मानिस पूर्व फर्कनुपर्ने समितिले जनाएको छ । आज मान्यजन, अग्रज र आफूभन्दा ठूला व्यक्तिबाट दुर्गा भवानीको प्रसादको रुपमा टीका र जमरा लगाउने र आशीर्वाद लिने चलन छ ।
आजदेखि पूर्णिमासम्म मान्यजनबाट टीका ग्रहण गर्दा अन्य फूलका साथै घटस्थापनाका दिनमा वैदिक विधिपूर्वक राखिएको पहेँलो जमरालाई समृद्धिको प्रतीकको रुप मानी लगाइन्छ । जमराले विभिन्न रोगव्याधिमा औषधिको रुपमा काम गर्ने तथ्य वैज्ञानिक रुपमा समेत पुष्टि भइसकेको छ ।
असत्यमाथि सत्य र आसुरी शक्तिमाथि दैवीशक्तिको विजय प्राप्तीको प्रतीकका रुपमा मनाइने विजयादशमी दशैँको महत्त्वपूर्ण दिन हो ।
यो खबर पढेर तपाईलाई कस्तो महसुस भयो ?
फेसबुकबाट तपाईको प्रतिक्रिया !
सम्बन्धित पोस्ट
विद्यापति ट्रष्टद्वारा स्मृति पर्वमा दर्जनौ श्रष्टा सम्मानित
समाचार, समाज, मधेश प्रदेश, धर्म-संस्कृति, राम्रो नेपाल
10 दिन पहिले
साँस्कृतिक पर्यटन प्रवद्धनका लागि भूमी लोकउत्सव
समाचार, समाज, मधेश प्रदेश, देश, धर्म-संस्कृति, जीवनशैली, पत्र-पत्रिकाबाट, राम्रो नेपाल
30 दिन पहिले
षष्ठी तिथिका दिन आँखा उघार्ने प्रयोजनका लागि बेलनौत गरिँदै
समाचार, मधेश प्रदेश, धर्म-संस्कृति
2 महीना पहिले
तराई-मधेश तथा जनकपुरधामका क्षेत्रमा लोक नृत्य झिझियाको रौनक
समाचार, मधेश प्रदेश, धर्म-संस्कृति
2 महीना पहिले