| 
टी–२० विश्व कपमा ओमानले पपुवा न्यूगिनीलाई १० विकेटले हराए
डेटूडे खबर डेस्क
३१ असोज २०७८
जनकपुरधाम । आईसीसी टी–२० विश्व कप क्रिकेट आज आइतवारदेखि सुरु भएको छ । उद्घाटन खेलमा आज ओमानले पपुवा न्युगिनीलाई १० विकेटले हराएको छ । पपुवा न्युगिनीले दिएको एक सय ३० रनको लक्ष्य ओमानले १३ ओभर चार बलमा कुनै पनि विकेट नगुमाइ भेट्यायो ।
यसअघि ओमानको अल अमिरातमा टस हारेर पहिले ब्याटिङको निम्तो पाएको पीएनजीले २० ओभरमा नौ विकेट गुमाएर एक सय २९ रन बनायो । उसका लागि असद भालाले सर्वाधिक ५६ रन बनाए । ओमानका जीसन मक्सुदले चार विकेट लिए ।
विश्व कपको पहिलो चरणमा आठ टोलीले प्रतिस्पर्धा गर्नेछन् । पहिलो चरणमा खेल्ने टाेलीमध्ये आयरल्यान्ड, नामिबिया, श्रीलङ्का र नेदरल्यान्ड्स समूह 'ए' मा छन् भने बङ्गलादेश, स्कटल्यान्ड, पपुवा न्युगिनी र ओमान समूह 'बी' मा रहेका छन् । दुई वटा समूहका शीर्ष दुई/दुई टोली अन्तिम १२ मा पुग्नेछ ।
अन्तिम १२ का खेल आउँदो शनिवारदेखि सुरु हुनेछ ।
यो खबर पढेर तपाईलाई कस्तो महसुस भयो ?
फेसबुकबाट तपाईको प्रतिक्रिया !
सम्बन्धित पोस्ट
_1726221467.jpeg)
मुख्यमन्त्री सिंह र नेपाल क्रिकेट सङ्घ (क्यान)का अध्यक्ष चन्दबीच छलफल ः मधेश प्रिमियर लिग
समाचार, मधेश प्रदेश, खेलकुद
2 महीना पहिले
नेपाली क्रिकेट टोली त्रिकोणात्मक सिरिज खेल्न आज साँझ क्यानाडा प्रस्थान गर्ने
समाचार, खेलकुद
2 महीना पहिले
_1725860786.jpg)